12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
ՌԴ-ն միշտ պատրաստ է ձեռք մեկնել Թուրքիային. Պուտինն Էրդողանին իր անձնական աջակցությունն է հայտնել
Քաղաքականություն
27.04.2023 | 19:01
ՌԴ նախագահ Վլադիմիր Պուտինը թուրքական «Աքքույու» ատոմակայանի միջուկային վառելիքի բեռնման արարողության ժամանակ հայտարարել է, որ Մոսկվան միշտ պատրաստ է բարեկամական աջակցության ձեռք մեկնել Անկարային, գրում է ՌԻԱ Նովոստին։
Միջոցառման մասնակցել է նաև Թուրքիայի նախագահ Ռեջեփ Թայիփ Էրդողանը, առողջական խնդիրների պատճառով՝ նույնպես տեսակապով։
Պուտինը նաև նշել է, որ «Աքքույու» ատոմակայանը Մոսկվայի և Անկարայի կարևորագույն համատեղ նախագիծն է, որը թույլ է տալիս զարգացնել տնտեսական կապերը։ Ըստ նրա՝ Ռուսաստանը պատրաստ է օգնել Թուրքիային երկրաշարժից հետո վերակառուցման ջանքերում, ինչպես նաև «ամեն ինչ կանի՝ բնական գազի կարիքները հոգալու համար»։
ՌԴ նախագահը նաև իր անձնական աջակցությունն է հայտնել Էրդողանին։
«Սա ևս մեկ համոզիչ օրինակ է, թե ինչքան շատ եք Դուք, պարոն նախագահ, անում ձեր երկրի, նրա տնտեսության աճի, Թուրքիայի բոլոր քաղաքացիների համար։ Ուզում եմ ուղիղ ասել. դուք գիտեք՝ ինչպես դնել հավակնոտ նպատակներ և վստահորեն շարժվում եք դրանց իրականացման ուղղությամբ։ Մեր կողմից մենք, անշուշտ, պաշտպանում ենք նման վերաբերմունքը»,- ասել է Պուտինը։
Էմմա Չոբանյան
