Քաղաքականություն
27.04.2023 | 21:02Փոխվեց ռուսների հրամանատարը ԼՂ-ում։ ՌԴ ՊՆ-ն չորեքշաբթի օրվա տեղեկագրում հաստատեց, որ Արցախում ռուսական խաղաղապահ զորակազմի հրամանատարի պաշտոնում Անդրեյ Վոլկովին փոխարինել է ՌԴ ցամաքային զորքերի գլխավոր հրամանատարի տեղակալ, Շոյգուի խորհրդական, գեներալ-գնդապետ Ալեքսանդր Լենցովը։
Կա՞ որևէ հիմք՝ պնդելու, որ Լենցովը կստիպի Ադրբեջանին իջեցնել իր դրոշը, անցակետն ապամոնտաժել, զրահամեքենաները հետ տանել ադրբեջանական զորամասեր։ Մեկնաբանելով իրադրությունը և փորձելով վեր հանել սրացումների պատճառները՝ ռազմաքաղաքական հարցերով փորձագետ Արմինե Մարգարյանն ասում է, որ Հարավային Կովկասում այսօր թուլանում են Ռուսաստանի դիրքերը, բացասական ազդեցություն ունի պատերազմն Ուկրաինայում, համընկնում են նաև Ռուսաստանի և Ադրբեջանի շահերը։ Բաքուն, օգտվելով իրավիճակից, անցակետ տեղադրեց Լաչինի միջանցքում։ Փորձագետն ասում է, որ ԵՄ-ն կարող է ԼՂ-ում առաքելություն սկսել։
«Հնարավորություն տեսնում եմ՝ ԵՄ առաքելության տեղակայման ռուս խաղաղապահների հետ համատեղ։ Ես կարծում եմ, որ ռուսների հետ հնարավոր է պայմանավորվել։ Եթե սարսափելի սցենարը կատարվի, Արցախը կհայաթափվի՝ Ադրբեջանը կոշտ էթնիկ զտում կանի, ռուսները կհեռանան, սա բխո՞ւմ է ռուսական շահերից»,- ասաց ռազմաքաղաքական հարցերով փորձագետ Արմինե Մարգարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
