15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ռուսական զորքերը պատրաստվում են Զապորոժիեի ատոմակայանի պաշտպանությանը
Քաղաքականություն
27.04.2023 | 17:15
Ուկրաինայում պատերազմի վերաբերյալ իր հերթական դիտարկման մեջ Մեծ Բրիտանիայի պաշտպանության նախարարությունն ուշադրություն է հրավիրում մարտին արված արբանյակային լուսանկարների վրա, որոնցից կարելի է եզրակացնել, որ ռուսական կողմը Զապորոժիեի ԱԷԿ-ի ռեակտորների մի քանի շենքերում պաշտպանական դիրքեր է կահավորել։
Գերատեսչության թվիթերյան էջում նշվում է, որ լուսանկարներում երևում են տանիքներին շարված ավազով պարկեր։ Լոնդոնում նշում են, որ սա վկայում է, որ ռեակտորների շենքը կարող է օգտագործվել տակտիկական պաշտպանության պլանավորման ժամանակ։
Բրիտանական գերատեսչությունն այդ գործողություններում տեսնում է անհանգստություն ռուսական հրամանատարության շրջանում՝ Ուկրաինայի զինված ուժերի սպասվող հակահարձակմանն ընդառաջ։ Ըստ այդմ՝ չի բացառվում մարտերի ընթացքում ԱԷԿ-ին վնաս հասցվելու վտանգը, սակայն ռեակտորների լրջորեն վնասվելը քիչ հավանական է, քանի որ ատոմակայանի կառուցատարրերը հուսալիորեն պաշտպանված են։
