27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ուկրաինայի ԶՈՒ-ն ժամանակին կստանա զենք՝ հակահարձակման համար․ ամերիկացի գեներալ
Քաղաքականություն
27.04.2023 | 20:17
Ուկրաինայի զինված ուժերը ժամանակին կստանան անհրաժեշտ սապառազինություն՝ հակահարձակում իրականացնելու համար։ Այս մասին հայտարարել է Եվրոպայում ՆԱՏՕ-ի միացյալ զինված ուժերի գերագույն հրամանատար, գեներալ Քրիստոֆեր Կավոլին, գրում է DW-ի ռուսական ծառայությունը։
Ելույթ ունենալով ԱՄՆ Կոնգրեսի Ներկայացուցիչների պալատի Զինված ուժերի հանձնաժողովում լսումների ժամանակ՝ Կավոլին նշել է, որ ռազմական տեխնիկայի խոստացված միավորների ավելի քան 98%-ն արդեն հասցվել է Կիև։
«Ես համոզված եմ, որ մենք հասցրել ենք անհրաժեշտ միջոցները և շարունակելու ենք մատակարարումները՝ նրանց գործողությանն աջակցելու համար»,- ասել է բարձրաստիճան զինվորականը։
Գեներալի խոսքով՝ ավելի քան 50 միջազգային դոնորների կողմից Ուկրաինային տրամադրվող աջակցությունը, ուսուցման հետ մեկտեղ, հսկայական և վճռորոշ է եղել մարտի դաշտում ուկրաինացի զինվորականների հաջողության համար:
«Ձմռան ընթացքում մեր կոալիցիան թույլ է տվել Ուկրանիայի զինված ուժերին հնարավորություններ գեներացնել, որոնք անհրաժեշտ են Ուկրաինայի ինքնիշխան տարածքի պաշտպանության ու գրավված տարածքների հետ վերադարձի համար»,-ասել է Կավոլին՝ հավելելով, որ ուկրաինացի գործընկերները հաջողությամբ են օգտագործում տրամադրված օգնությունը։
Էմմա Չոբանյան
