16.01.2025 | 13:53
Հանրապետությունում շարունակվում է սեզոնային գրիպի Ա տեսակի H1pdm09 ենթատեսակի շրջանառությունը. ԱՆ
Կառավարությունը հաստատեց պետական բյուջեի 2022 թ․ հաշվետվության նախագիծը․ ՏԵՍԱՆՅՈՒԹ
Տնտեսություն
27.04.2023 | 12:02
ՀՀ Կառավարության հերթական նիստում Կառավարությունը հաստատեց պետական բյուջեի 2022 թ․ հաշվետվության նախագիծը։
Թեմայի շրջանակում վարչապետն անդրադարձավ 2023-ի բուջեին՝ տեղեկացնելով, որ 2023-ի ապրիլին գրանցվել է շահութահարկի պատմական բացարձակ ցուցանիշ:
«Ապրիլին մենք ունենք պետական բյուջեի հավաքագրումների, հարկային եկամուտների բացառիկ ցուցանիշ: Այսօր ապրիլի 27-ն է, և դեռ մի քանի օր էլ այս ցուցանիշը կբարելավվի: Երեկվա դրությամբ արդեն հավաքագրվել է 295 միլիարդ դրամ հարկային եկամուտ: ՀՀ-ի պատմության մեջ երբեք չի եղել ամիս, երբ ՀՀ պետական բյուջե մուտքագրվի 295 մլրդ դրամ:
Օրինակ՝ 2022-ին, որը նույնպես բավականին հաջող տարի էր, հավաքագրել էինք 231 միլիարդ դրամ, իսկ 2023-ի ապրիլին արդեն իսկ երեկվա դրությամբ հավաքագրել ենք 295 մլրդ դրամ, որը բացարձակապես ռեկորդ է բոլոր տարիների բոլոր ամիսների նկատմամբ:
Ապրիլի 1-26-ը հարկ վճարողները վճարել են 158.1 մլրդ դրամ շահութահարկ, որը նույնպես պատմական ռեկորդ է; Համեմատության համար ասեմ, որ 2022թ․ ապրիլին վճարվել է 98 մլրդ դրամ շահութահարկ: Այսինքն՝ այս տարվա ցուցանիշը՝ դեռ չավարտված ամսով, նախորդ տարվա համեմատ ավելի է 59,7 մլրդ դրամով»,- նշեց վարչապետը:
Մանրամասները՝ տեսանյութում։
