15.08.2026 | 14:14
Ինդոնեզիայում տեղի է ունեցել 7,7 մագնիտուդ ուժգնությամբ երկրաշարժ, կա առնվազն 20 զոհ
Ուկրաինայի ԶՈՒ-ն ստացել է խոստացված սպառազինության 98%-ը․ ՆԱՏՕ-ի գեներալ
Քաղաքականություն
27.04.2023 | 12:45
Ուկրաինան արդեն ստացել է Արևմուտքից ռազմական օգնության գրեթե բոլոր փաթեթները՝ ներառյալ ռազմական տեխնիկան և սպառազինությունը, որը հատկացվել է ռուսական ագրեսիայից պաշտպանվելու համար։ Այս մասին չորեքշաբթի՝ ապրիլի 26-ին, հայտարարել է Եվրոպայում ԱՄՆ զորքերի հրամանատար, գեներալ Քրիստոֆեր Կավոլին, փոխանցում է Ukrinform-ը։
Նշվում է, որ նա նման հայտարարություն է արել ԱՄՆ Կոնգրեսի Ներկայացուցիչների պալատի զինված ծառայությունների հանձնաժողովում լսումների ժամանակ։ «Մարտական մեքենաների ավելի քան 98%-ն արդեն այնտեղ է: Ես համոզված եմ, որ մենք մատակարարել ենք նրանց անհրաժեշտ տեխնիկան, և մենք նաև կշարունակենք աշխատել՝ աջակցելու նրանց գործողություններին», – ասել է գեներալ Կավոլին:
Նա նաև վստահեցրել է, որ ամերիկյան կողմը մշտական կապի մեջ է ուկրաինական կողմի հետ՝ Ուկրաինայի զինված ուժերի իրական կարիքները պարզելու և ժամանակին ապահովելու նպատակով։ Բացի այդ, նրա խոսքով, նոր քայլեր են ներդրվում Եվրատլանտյան անվտանգության ամրապնդման ուղղությամբ։
Կավոլին ընդգծել է, որ մինչ այժմ ավելի քան 50 միջազգային դոնորների կողմից Ուկրաինային տրամադրված նյութական աջակցությունն ու ուսուցումը հսկայական և վճռորոշ է եղել ուկրաինացի զինվորականների հաջողության համար։
Հիշեցնենք, որ վերջին մեկ տարվա ընթացքում Ռամշտեյնի ձևաչափի անդամ երկրները 55 միլիարդ դոլարի սպառազինություն են մատակարարել Ուկրաինային, որից մոտ 35 միլիարդը հատկացրել է ԱՄՆ-ը։
