25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Բայրամովը Լիտվայի ԱԳ փոխնախարարի հետ քննարկել է Լաչինի միջանցքում ապօրինի անցակետի տեղադրումը
Քաղաքականություն
26.04.2023 | 18:53
Ադրբեջանի արտգործնախարար Ջեյհուն Բայրամովն ընդունել է Լիտվայի ԱԳ փոխնախարար Մանթաս Ադոմենասին։ Քննարկվել են Ադրբեջանի և Լիտվայի միջև երկկողմ ու բազմակողմ համագործակցության օրակարգային արդիական հարցեր, ինչպես նաև տարածաշրջանում տիրող իրավիճակը, հաղորդում է երկրի ԱԳՆ-ն։
Նշվում է, որ Բայրամովը խոսել է խաղաղության օրակարգն «առաջ մղելու ջանքերի» մասին։
«Նշվել է, որ Հայաստանի հետ հարաբերությունների կարգավորմանն ուղղված Ադրբեջանի գործողությունները բախվում են Հայաստանի ոչ կառուցողական դիրքորոշմանը։ Մանրամասն տեղեկատվություն է տրվել Լաչինի ճանապարհին ապօրինի գործողությունների մասին, ընդգծվել է, որ Ադրբեջանի կողմից սահմանային անցակետի ստեղծումը կապահովի թափանցիկություն և անվտանգություն»,- ասվում է հաղորդագրության մեջ։
Հավելենք, որ Ադրբեջանն ապօրինի անցակետ է տեղադրել Լաչինի միջանցքում՝ խախտելով նոյեմբերի 9-ի եռակողմ հայտարարությունն ու առաջ մղելով Արցախում էթնիկ զտման քաղաքականությունը։
Էմմա Չոբանյան
