10.04.2026 | 23:49
Դմիտրի Մեդվեդևը ՌԴ հասարակագիտության դպրոցական դասագրքերի գլխավոր խմբագիրն է դարձել
Սի Ցզինպինը Զելենսկիին վստահեցրել է, որ Չինաստանը չեզոք է հակամարտության հարցում և խաղաղության կողմնակից է
Քաղաքականություն
26.04.2023 | 19:54
Ուկրաինայի նախագահ Վլադիմիր Զելենսկիի հետ հեռախոսազրույցի ժամանակ Չինաստանի ղեկավար Սի Ցզինպինը շեշտը դրել է այն բանի վրա, որն պատերազմից միակ ելքը բանակցություններն են։ Այս մասին հաղորդում է Չինաստանի պետական CCTV հեռուստաընկերությունը, փոխացնում է BBC-ի ռուսական ծառայությունը։
Փետրվարին Պեկինն իր խաղաղության ծրագիրն էր առաջարկել Մոսկվայի ու Կիևի միջև հարաբերությունների կարգավորման համար, որը բաղկացած էր 12 կետից։
Պաշտոնապես Չինաստանը ռուսական ագրեսիայի հարցում չեզոքություն է պահպանում, սակայն Արևմուտքն նրան համարում է Ռուսաստանի դաշնակից։ Ռուսաստանը ևս առիթը բաց չի թողնում Պեկինի հետ գործընկերության մասին հայտարարելու համար։
Ուկրաինայի նախագահին Սի Ցզինպինը վստահեցրել է, որ Չինաստանը միշտ եղել և մնում է խաղաղության կողմնակից, հայտնում են չինական լրատվամիջոցները։
Չինաստանի արտգործնախարարը հայտարարել է, որ հենց հեռախոսազրույցի փաստը վկայում է այն մասին, որ Չինաստանն օբյեկտիվ և անաչառ դիրքորոշում է ընդունում, և որպես մեծ ու ազդեցիկ երկիր՝ զգում է իր պատասխանատվությունը։
Տաթև Ֆռանգյան
