07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Լաչինի միջանցքում ապօրինի տեղադրված անցակետում Ադրբեջանի դրոշն է բարձրացվել
Քաղաքականություն
26.04.2023 | 16:51
Լաչինի միջանցքում Հակարիի կամրջի մոտ տեղադրված ապօրինի անցակետում ադրբեջանցիները բարձրացրել են Ադրբեջանի պետական դրոշը։
Ադրբեջանական քարոզչական լրատվամիջոցների հաղորդմամբ՝ արարողությանը մասնակցել են Պետական սահմանապահ ծառայության աշխատակիցները։
Հիշեցնենք՝ ապրիլի 23-ին Ադրբեջանը, խախտելով 2020 թվականի նոյեմբերի 9-ի եռակողմ հայտարարության 6-րդ կետը, ապօրինի անցակետ է տեղադրել Լաչինի միջանցքում՝ ռուսական պատասխանատվության գոտում։
Արցախի իշխանություններն ավելի վաղ հայտնել էին, որ ռուսական կողմը բանակցություններ է վարում Բաքվի հետ անցակետի տեղադրման հարցով։ Սակայն, ակնհայտորեն, Ադրբեջանն արդեն ամբողջությամբ ավարտել է անցակետի կառուցումը և չի պատրաստվում հեռանալ։
Էմմա Չոբանյան
