14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պուտինը վաղը տեսակապով կմասնակցի թուրքական Աքքույու ԱԷԿ-ի միջոցառմանը․ Էրդողանը ցանկանում է մինչ այդ նրա հետ բանակցություններ անցկացնել
Քաղաքականություն
26.04.2023 | 16:02
ՌԴ նախագահ Վլադիմիր Պուտինը ծրագրում է թուրքական Աքքույու ատոմակայանում միջուկային վառելիքի բեռնման արարողությանը մասնակցել տեսակապով։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
«Այո՛, ծրագրում է տեսակոնֆերանսի ձևաչափով»,- ասել է Պեսկովը՝ պատասխանելով հարցին՝ արդյո՞ք Պուտինը ծրագրում է մասնակցել արարողությանը։
Թուրքիայի նախագահի խոսնակ և գլխավոր խորհրդական Իբրահիմ Քալընն էլ հայտնել է, որ Էրդողանը ցանկանում է հեռախոսազրույց ունենալ Վլադիմիր Պուտինի հետ ապրիլի 27-ին արարողությունից առաջ։
«Աքքույու ատոմակայանում նախանշված արարողությունից առաջ նախագահ Էրդողանը հեռախոսազրույց կունենա ՌԴ նախագահ Վլադիմիր Պուտինի հետ: Նրանք նախատեսում են քննարկել Ուկրաինայում տիրող իրավիճակը և երկկողմ հարաբերությունները»,- ասել է Քալընը։
Հիշեցնենք, ռուսական կողմի աջակցությամբ կառուցվող Թուրքիայի առաջին ատոմակայանի միջուկային վառելիքի բեռնման արարողությունը տեղի կունենա վաղը՝ ապրիլի 27-ին։
Էմմա Չոբանյան
