08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Ուկրաինան օրինական իրավունք ունի ոչնչացնել այն, ինչ գտնվում է Ղրիմում և Դոնբասում․ Պոդոլյակ
Քաղաքականություն
26.04.2023 | 18:27
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտարարել է, որ Կիևն օրինական իրավունք ունի ոչնչացնել այն ամենը, ինչ կա Ղրիմում, Դոնեցկում, Լուգանսկում, Խերսոնի և Զապորոժիեի մարզերում։ Նա այսպես է մեկնաբանել է The Washington Post-ի հոդվածն այն մասին, որ Ուկրաինան պատրաստվում էր հարվածներ հասցնել Մոսկվային այս տարվա փետրվարի 24-ին, գրում է RTVI։
«Մեզ համար կան այլ առաջնահերթ նպատակներ։ Այն, ինչ երաշխավորված է մեզ միջազգային իրավունքով, այսինքն՝ մենք օրինական իրավունք ունենք ոչնչացնել այն ամենը, ինչ գտնվում է Ղրիմի, Լուգանսկի, Դոնեցկի, Զապորոժիեի և Խերսոնի շրջանների տարածքում։ Այստեղ մեր դեմ ոչ մի իրավական պահանջ չկա»,- ասել է Պոդոլյակը։
Պաշտոնյան հայտարարել է, որ Ուկրաինան չէր լուծի Ռուսաստանի հետ հակամարտությունը Մոսկվային հարվածներ հասցնելով։
Ապրիլի 24-ին The Washington Post-ը, վկայակոչելով Պենտագոնի գաղտնի փաստաթղթերը, որոնք բաց աղբյուրներով հասանելի էին դարձել, գրել էր, որ 2023 թվականի փետրվարի 24-ին Ուկրաինայի իշխանությունները ծրագրել էին հարվածներ հասցնել Մոսկվային։ Սակայն փետրվարի 22-ին «Վաշինգտոնի խնդրանքով» Ուկրաինան համաձայնել է «հետաձգել հարվածները»։
Տաթև Ֆռանգյան
