08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ը խորը մտահոգություն է հայտնել ռուս-իրանական համագործակցության կապակցությամբ
Քաղաքականություն
26.04.2023 | 17:56
ԱՄՆ Պետքարտուղարությունը հայտնել է, որ Մոսկվան շարունակում է դիմել Թեհրանին մահաբեր սարքավորումների մատակարարման հարցով, գրում է VOA-ն։
ԱՄՆ-ը կրկին խորը մտահոգություն է հայտնել Իրանի հետ Ռուսաստանի ռազմական համագործակցության կապակցությամբ, որին մեղադրում են Ուկրաինա ռուսական ներխուժման ժամանակ օգտագործվող ռազմական անօդաչու սարքերի մատակարարման համար։
«Ռուսաստանի Դաշնության և Իրանի վարչակարգի միջև հարաբերությունների խորացումը նույնպես շարունակում է մեզ համար մեծ մտահոգություն լինել, և մենք շարունակում ենք մեծ ուշադրություն դարձնել դրան»,- ասել է Պետքարտուղարության ներկայացուցիչը:
«Ես տեսել եմ տեղեկություններ, որ Ռուսաստանի Դաշնությունը շարունակում է դիմել Իրանին մահաբեր օգնության համար։ Առաջին անգամը չէ, որ մենք տեսնում ենք, որ դա տեղի է ունենում»,- հավելել է Պատելը:
Նրա խոսքով՝ հակամարտության ընթացքում ԱՄՆ-ը դիտարկել է, թե ինչպես է Ռուսաստանի Դաշնությունն իրանական արտադրության անօդաչու թռչող սարքեր ուղարկում Կիև՝ թիրախավորելով կարևոր քաղաքացիական և էներգետիկ ենթակառուցվածքները։
«Սա մի բան է, որը մենք շարունակում ենք վերահսկել, մեծ ուշադրություն դարձնել և քայլեր ձեռնարկել մեր դաշնակիցների ու գործընկերների հետ»,- ասել է Պատելը:
Տաթև Ֆռանգյան
