13.12.2024 | 17:40
Փոխզիջումային լուծումներ են պետք․ Փաշինյանի ելույթը՝ Եվրասիական միջկառավարական խորհրդի նիստին․ ՏԵՍԱՆՅՈՒԹ
Պուտինի հնարավոր այցին ընդառաջ ՀԱՀ-ը հայտարարել է, որ դուրս չի գալու Միջազգային Քրեական դատարանի իրավասությունից
26.04.2023 | 20:19
Հարավաֆրիկյան Հանրապետության նախագահի վարչակազմը հայտարարել է, որ երկիրը դուրս չի գալու Միջազգային Քրեական դատարանի (ՄՔԴ) իրավասությունից, ինչպես ավելի վաղ հայտարարել էր նախագահը, գրում է Meduza-ն։
«Հարավաֆրիկյան Հանրապետությունը մնում է Հռոմի ստատուտը ստորագրող կողմ և շարունակելու է արշավը հանուն միջազգային իրավունքի հավասար ու հետևողական կիրառման»,- ասվում է նախագահականի հայտարարության մեջ։
Վարչակազմը «սխալ մեկնաբանություն» է անվանել իշխող կուսակցության ու երկրի նախագահի՝ ապրիլի 25-ի հայտարարությունն այն մասին, որ Հարավաֆրիկյան Հանրապետությունը դուրս է գալիս դատարանի իրավասությունից՝ «որոշ երկրների նկատմամբ անարդար վերաբերմունքի» պատճառով։
Հավելենք, որ Հարավաֆրիկյան Հանրապետությունում օգոստոսին նախանշված է ԲՐԻԿՍ երկրների գագաթնաժողովը։ Սպասվում է, որ դրան մասնակցելու է նաև ՌԴ նախագահ Վլադիմիր Պուտինը, որի ձերբակալման օրդեր է տվել Միջազգային Քրեական դատարանը։
Էմմա Չոբանյան
