15.08.2026 | 12:59
Վթար Վայոց ձորի մարզում․ տուժածը հոսպիտալացվել է
Ծանր մարտեր են ընթանում Բախմուտում և Մարինկայում. Ուկրաինայի ԳՇ
Քաղաքականություն
26.04.2023 | 12:02
Ուկրաինայի գլխավոր շտաբի առավոտյան ամփոփագրից հետևում է, որ վերջին մեկ օրվա ընթացքում առաջնագծում էական փոփոխություններ չեն եղել. Բախմուտում և Մարինկայում շարունակվում են ծանր մարտերը, ռուսները փորձում են առաջ շարժվել նաև Ավդիևկայի շրջանում, փոխանցում է BBC-ի ռուսական ծառայությունը։
«Հակառակորդը հիմնական ջանքերը կենտրոնացնում է Բախմուտի, Ավդեևկայի և Մարինկայի ուղղություններով հարձակողական գործողություններ իրականացնելու վրա: Անցած օրվա ընթացքում Ուկրաինայի ՊԲ ստորաբաժանումները հետ են մղել հակառակորդի 38 հարձակում ռազմաճակատի նշված հատվածների վրա: Ամենածանր մարտերն ընթանում են Բախմուտում ու Մարինկայում»,- հայտնել են Ուկրաինայի Գլխավոր շտաբից։
Բախմուտի մասով Գլխավոր շտաբը հայտնում է միայն, որ այնտեղ մարտեր են ընթանում՝ չմանրամասնելով քաղաքում հակառակորդի առաջխաղացման մասին։ Ռուսական գրոհները Բախմուտից հյուսիս-արևմուտք և հարավ, այսինքն՝ քաղաքի կայազորի շուրջ օղակը փակելու շարունակվող փորձերը, ըստ հաղորդագրության, հետ են մղվել։
Ինչպես վստահեցրել են Ուկրաինայի Գլխավոր շտաբից, հետ են մղվել նաև ռուսների հարձակումները Մարինկայում և Ավդեևվկայի տարածքում։
Ըստ հաղորդագրության՝ ռազմաճակատի մնացած հատվածներում նախկինի նման ակտիվ ռազմական գործողություններ չեն եղել։
