08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Մոսկվայում տեղի է ունեցել ՌԴ-ի, Թուրքիայի, Իրանի և Սիրիայի ՊՆ ղեկավարների հանդիպումը
Քաղաքականություն
25.04.2023 | 19:50
ՌԴ պաշտպանության նախարար Սերգեյ Շոյգուն Մոսկվայում Իրանի, Սիրիայի և Թուրքիայի պաշտպանության նախարարներ Մոհամմադ Ռեզա Աշտիանիի, Ալի Մահմուդ Աբբասի և Հուլուսի Աքարի հետ քննարկել է Սիրիայում անվտանգության ամրապնդումն ու ահաբեկչության դեմ պայքարը, գրում է ՏԱՍՍ-ը։
«Ապրիլի 25-ին Մոսկվայում քառակողմ բանակցություններ են տեղի ունեցել Ռուսաստանի Դաշնության, Իրանի Իսլամական Հանրապետության, Սիրիայի Արաբական Հանրապետության և Թուրքիայի Հանրապետության պաշտպանության նախարարների միջև։ Հանդիպման ընթացքում քննարկվել են գործնական քայլեր՝ Սիրիայի Արաբական Հանրապետությունում անվտանգության ամրապնդման և թուրք-սիրիական հարաբերությունների կարգավորման ուղղությամբ»,- ասվում է ՌԴ ՊՆ հաղորդագրությունում։
Նշվում է նաև, որ բանակցությունների ընթացքում առանձին ուշադրություն է դարձվել ահաբեկչական սպառնալիքներին դիմակայելուն և Սիրիայում բոլոր ծայրահեղական խմբավորումների դեմ պայքարին։ Հանդիպման արդյունքում կողմերը հաստատել են իրենց ձգտումը Սիրիայի տարածքային ամբողջականության պահպանման, ինչպես նաև սիրիացի փախստականների՝ շուտափույթ հայրենիք վերադարձի ուղղությամբ ջանքերն ակտիվացնելու անհրաժեշտությունը։
Հավելենք, որ Մոսկվայում են նաև նշյալ երկրների հետախուզական ծառայության ղեկավարները։
Ապրիլի 4-ին էլ սիրիական հարցով Մոսկվայում տեղի էր ունեցել ՌԴ-ի, Թուրքիայի, Իրանի և Սիրիայի ԱԳ փոխնախարարների հանդիպումը։
Էմմա Չոբանյան
