08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Սուդանում զինվորականները գրավել են վարակիչ հիվանդությունների նմուշների պահման լաբորատորիան
Քաղաքականություն
25.04.2023 | 19:21
Առողջապահության համաշխարհային կազմակերպությունը (ԱՀԿ) հայտնել է, որ Սուդանում հակամարտող կողմերից մեկը գրավել է երկրի կենտրոնական լաբորատորիան։ Այնտեղ պահվում են հիվանդությունների նմուշներ, այդ թվում՝ պոլիոմելիտի և կարմրուկի, փոխանցում է Կոմերսանտը։
«Կա հսկայական կենսաբանական ռիսկ, որը կապված է պատերազմող կողմերից մեկի կողմից հանրային առողջության կենտրոնական լաբորատորիայի գրավման հետ»,- լրագրողներին ասել է Սուդանում ԱՀԿ ներկայացուցիչ Նիմա Սաիդ Աբիդը:
Ապրիլի կեսերին Սուդանում զինված դիմակայություն է սկսվել կառավարական բանակի և «Արագ արձագանքման ուժեր» խմբավորման միջև, որոնք պետք է միավորվեին երկիրը քաղաքացիական կառավարմանը վերադարձնելու համաձայնագրով։ Մարտերի զոհ է դարձել ավելի քան 400 մարդ։
Ապրիլի 24-ի կեսգիշերից կողմերը պայմանավորվել են 72 ժամով զինադադար հաստատել։
Տաթև Ֆռանգյան
