16.01.2026 | 16:09
Սոցփաթեթի գումարները կանխիկացնելու նոր տարբերակներ կգործեն․ ՏԵՍԱՆՅՈՒԹ
Պատրա՞ստ են, արդյոք, ԱՄՆ-ը, Ֆրանսիան, ՌԴ-ն ու ԵՄ-ն երաշխավորել Ադրբեջանի հետ կնքվելիք խաղաղության պայմանագրի կատարումը․ Մարուքյան
Քաղաքականություն
25.04.2023 | 17:48
Պատրա՞ստ են, արդյոք, ԱՄՆ-ը, Ֆրանսիան, Ռուսաստանն ու ԵՄ-ն երաշխավորել Ադրբեջանի հետ կնքվելիք խաղաղության պայմանագրի կատարումը։ Նման հարցադրում է արել Հայաստանի հատուկ հանձնարարություններով դեսպան Էդմոն Մարուքյանը՝ հիշեցնելով, որ Ադրբեջանը, չնայած միջազգային հանրության կոչերին, խախտել է 2020 թվականի նոյեմբերի 9-ին ստորագրված եռակողմ հայտարարությունը և անցակետ տեղադրել Լաչինի միջանցքում։
«Ադրբեջանը, խախտելով 2020 թվականի նոյեմբերի 9-ին ստորագրված եռակողմ հայտարարությունը, անցակետ է տեղադրել Լաչինի միջանցքում։ ԵԱՀԿ Մինսկի խմբի համանախագահ երկրները՝ ԱՄՆ-ը, Ֆրանսիան, Ռուսաստանը, ինչպես նաև Եվրամիության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելն իրենց մտահոգություններն են հայտնել այս կապակցությամբ: Հետաքրքիր է, որ բոլոր այս 3 երկրներն ու ԵՄ-ն կողմերին կոչ են անում համաձայնության գալ և խաղաղության պայմանագիր կնքել։ Այստեղ մի կարևոր հարց է առաջանում․ եթե Ադրբեջանը շարունակաբար խախտում է 2020 թվականի նոյեմբերի 9-ին ստորագրված հայտարարությունը, ապա որո՞նք են Հայաստանի երաշխիքները, որ չի խախտի նաև ստորագրված խաղաղության պայմանագիրը։ Պատրա՞ստ են միջազգային հանրության նույն անդամները՝ ԱՄՆ-ը, Ֆրանսիան, Ռուսաստանը, ԵՄ-ն երաշխավորել Ադրբեջանի հետ կնքվելիք խաղաղության պայմանագրի կատարումը»,- գրել է Մարուքյանը։
Տաթև Ֆռանգյան
