14.01.2025 | 16:32
Անտոնիու Կոշտան հայտնել է ՀՀ-ի հետ գործընկերությունն ամրապնդելու ԵՄ հանձնառության մասին
Նովոսիբիրսկում զանգվածային գերեզման է հայտնաբերվել՝ «Վագների» խորհրդանիշերով ու ՌԴ դրոշներով
Քաղաքականություն
25.04.2023 | 15:25
ՌԴ Նովոսիբիրսկի Գուսինոբրոդսկի գերեզմանատանը նույնանման տասնյակ թարմ գերեզմաններ են հայտնաբերվել։ Այս մասին հայտնել է Taiga.info-ն՝ հղում անելով քաղաքացիների, որոնք տեսանյութեր են ուղարկել գերեզմանոցից, փոխանցում է Meduza-ն։
«Գերեզմանատան տարածքում թարմ գերեզմաններ են՝ միանման խաչերով, որոնց վրա նշված են ծննդյան և մահվան տարեթվերով տղամարդկանց անուններ, հիմնականում՝ 2022 թվականի վերջին և 2023 թվականի առաջին ամիսների»,- գրում է պարբերականը։
Ընդհանուր առմամբ, հայտնաբերվել է շուրջ 200 նոր գերեզման։ Նրանց մեծամասնության վրա «Վագներ» խմբավորման տարբերանշանով, որոշների վրա էլ՝ ՌԴ դրոշի գույներով ծաղկեպսակներ են։
Խաչերի վրա նշված շատ անուններ, որոնք ստուգել են լրագրողները, նախկինում չեն նշվել «հատուկ գործողության» ընթացքում զինծառայողների մահվան մասին պաշտոնական հաղորդագրություններում։ Լրատվամիջոցը, ստուգելով դատարանների էլեկտրոնային տվյալների բազան, պարզել է, որ զանգվածային գերեզմանում թաղվածներից մի քանիսի անվանակիցները դատապարտված են եղել։ Նրանք ոչ թե Նովոսիբիրսկի շրջանի, այլ Կրասնոյարսկի երկրամասի, Կուզբասի և Տուվայի բնակիչներ են։
Նշվում է, որ «Վագներ» զինված խմբավորումը զբաղվում է Ուկրաինայում պատերազմին մասնակցելու համար դատապարտվածների հավաքագրմամբ։
Էմմա Չոբանյան
