13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Կիևը պատրաստ է եղել հարվածներ հասցնել Մոսկվային, սակայն ԱՄՆ-ը թույլ չի տվել․ The Washington Post
Քաղաքականություն
24.04.2023 | 18:03
Ուկրաինական զինված ուժերը ծրագրում էին հարվածներ հասցնել Մոսկվային պատերազմի մեկնարկի տարելիցի օրը՝ 2023 թվականի փետրվարի 24-ին, սակայն դա չեն արել Վաշինգտոնի խնդրանքով։ Այս մասին գրում է Washington Post-ը՝ վկայակոչելով Պենտագոնի գաղտնազերծված փաստաթղթերը։
Ուկրաինայի Պաշտպանության նախարարության գլխավոր հետախուզական վարչության (ԳՀՎ) ղեկավար Կիրիլ Բուդանովը, ըստ հաղորդագրությունների, իր ենթականերից մեկին հանձնարարել է «պատրաստվել փետրվարի 24-ի զանգվածային հարվածներին այն ամենով, ինչ ունի ԳՀՎ-ն»։
Փետրվարի 22-ին՝ պատերազմի մեկնարկի տարելիցից երկու օր առաջ, ԿՀՎ-ն նոր գաղտնի փաստաթուղթ է ներկայացրել, որտեղ ասվել է, որ ԳՀՎ-ն «համաձայնել է Վաշինգտոնի խնդրանքով հետաձգել հարվածները Մոսկվային»։
Փաստաթղթերում չի նշվում, թե կոնկրետ ո՞վ է դեմ եղել հարվածներին կամ ինչո՞ւ են ուկրաինացի պաշտոնյաները փոխել ծրագրերը։ Սակայն, ըստ The Washington Post-ի, այս պատմությունը Կիևի և Վաշինգտոնի միջև լարվածության կոնկրետ օրինակ է։ Ուկրաինան, ձգտելով ռազմական գործողությունները տեղափոխել Ռուսաստանի տարածք, երբեմն բախվում է ԱՄՆ-ի կողմից սահմանափակումների՝ Մոսկվայի հետ ուղղակի կոնֆլիկտից խուսափելու համար:
Տաթև Ֆռանգյան
