08.04.2026 | 20:30
Ադրբեջանական բենզինի մատակարարումները Հայաստան ձեռնտու են նաև Ադրբեջանին․ Էմին Ալիև
Ադամ Շիֆն Արցախի անկախությունը ճանաչող օրինագիծ է ներկայացնելու ԱՄՆ Կոնգրես
Քաղաքականություն
24.04.2023 | 17:10
ԱՄՆ կոնգրեսական, հայկական հարցերով հանձնախմբի փոխնախագահ Ադամ Շիֆը հայտարարել է, որ վաղը Արցախի անկախության ճանաչման օրինագիծ է ներկայացնելու Կոնգրես։ Այս մասին Շիֆն ասել է Asbarez-ի հետ զրույցում։
«Վաղն առավոտյան ես կներկայացնեմ օրինագիծ՝ ճանաչելու Արցախի անկախությունը և ինքնիշխանությունը: Սրանով ԱՄՆ-ը պաշտոնապես կճանաչի Արցախի ժողովրդի ինքնորոշման իրավունքը: Ես չափազանց մտահոգված եմ, որ Ադրբեջանը հերթական պատերազմն է ծրագրում Արցախի դեմ, հերթական պատերազմը հենց Հայաստանի դեմ, և կարծում եմ, որ սա հզոր ուղերձ կլինի Բաքվի բռնապետին, որ երկկուսակցական հիմունքներով Կոնգրեսն աջակցում է Արցախի ժողովրդի իրավունքներին»,- ասել է Շիֆը։
Նա նաև նշել է, որ Լաչինի միջանցքի փակմամբ իրավիճակը դարձել է շատ ավելի մտահոգիչ ու վտանգավոր, և շարունակելու են խնդրի ուղղությամբ ուշադրություն հրավիրել։
Էմմա Չոբանյան
