24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԱՄՆ կոնգրեսականները Կալիֆորնիայում մասնակցել են Հայոց ցեղասպանության 108-րդ տարելիցին նվիրված միջոցառմանը
Քաղաքականություն
24.04.2023 | 11:33
Հայոց ցեղասպանության 108-րդ տարելիցի կապակցությամբ Լոս Անջելեսի Հայոց ցեղասպանության ոգեկոչման միացյալ հայկական խորհուրդը հանրային հավաք է կազմակերպել Մոնթեբելոյում գտնվող Հայոց ցեղասպանության նահատակների հուշարձանի մոտ, գրում է Fox11-ը՝ հիշեցնելով, որ 108 տարի առաջ Օսմանյան իշխանությունների ձեռքով սպանվեց 1,5 միլիոն հայ։
Բիքնել այգում տեղադրված հուշարձանը բացվել է 1968 թվականին։ Մոնթեբելոն Հարավային Կալիֆորնիայի ամենահին հայկական համայնքն է:
Միջոցառմանը ելույթ է ունեցել Լոս Անջելեսի քաղաքային խորհրդի նախագահ Փոլ Կրեկորյանը։ Նա մտահոգություն է հայտնել, որ հայերին քարտեզից ջնջելու արշավը շարունակվում է մինչ օրս։
Միջոցառմանը ներկա են եղել և ելույթ ունեցել ԱՄՆ կոնգրեսական Ջուդի Չուն, կոնգրեսական Ադամ Շիֆը, կոնգրեսական Լինդա Սանչեսը, Կալիֆորնիայի նահանգի սենատորներ Բոբ Արչուլետան և Էնթոնի Պորտանտինոն, Կալիֆորնիայի նահանգային ժողովի անդամ Միգել Սանտյագոն, SEIU Local 721 նախագահ Դեյվիդ Գրինը և այլք:
Տաթև Ֆռանգյան
