04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Մադրիդի ռեստորաններից մեկում հրդեհի հետևանքով 2 մարդ է զոհվել
Քաղաքականություն
23.04.2023 | 11:09
Մադրիդի ռեստորաններից մեկում ապրիլի 22-ին տեղի ունեցած հրդեհի հետևանքով 2 մարդ Է զոհվել, 10-ը ՝ տուժել: Այս մասին հայտնում է Mundo թերթը ՝ հղում անելով փրկարարական ծառայություններին:
«2 մարդ մահացել է, 6-ը ՝ լուրջ վնասվածքներ ստացել, 4-ը՝ թեթև վնասվածքներ են ստացել Մադրիդի Սալամանկա շրջանի Մանուել Բեսերա հրապարակում գտնվող ռեստորանում բռնկված հրդեհի հետևանքով», – հայտնել են քաղաքի փրկարարական ծառայությունից։
Ըստ պարբերականի՝ հրդեհը բռնկվել է ռեստորանի մուտքի մոտ և տարածվել արհեստական բուսականությամբ զարդարված առաստաղի և պատերի վրա:
Ենթադրվում է, որ հրդեհի պատճառ կարող էր լինել այն, որ մատուցողը ալկոհոլ է լցրել պիցցայի կամ աղանդերի վրա և այրել այն, ինչի հետևանքով կրակը հասել է առաստաղին ամրացված պլաստիկ բույսերին:
«Երկու զոհերից մեկը ռեստորանի 25-ամյա մատուցողն է։ Մյուսը ռեստորանի 40-ամյա հաճախորդ է», – նշում է Mundo-ն ։
Տուժածները հոսպիտալացվել են։
