12.12.2024 | 17:52
Բաղանիս, Բերքաբեր, Կիրանց, Գոմք բնակավայրերում բնակելի տուն կառուցելու նպատակով կտրամադրվի 21 մլն դրամ աջակցություն
Կրասնոյարսկի երկրամասում ուսուցիչը դատապարտվել է երկու տարվա ազատազրկման՝ պայմանագրային ծառայությունը գովազդող պաստառի վրա կրակ արձակելու համար
Քաղաքականություն
22.04.2023 | 10:59
Կրասնոյարսկի երկրամասի Կանսկի քաղաքային դատարանը անգլերենի 35-ամյա ուսուցչին երկու տարվա ազատազրկման է դատապարտել պայմանագրային ծառայության մասին պաստառի վրա կրակելու համար, հայտնում է BBC-ի ռուսական ծառայությունը՝ հղում կատարելով մարզային լրատվամիջոցներին։
Քննիչների տվյալներով՝ անցյալ տարվա հոկտեմբերի 16-ին Կանսկի բնակիչն իր վրա գրանցված որսորդական հրացանից կրակել է «Պայմանագրային ծառայությունը քո ընտրությունն է» մեծ պաստառի վրա, ապա սպառնացել է իր հարևանին։ Ուսուցչի մայրը լրագրողներին ասել է, որ իր որդին «ծանր է տարել մասնակի զորահավաքի մասին հայտարարությունը»։
Ինքը՝ ուսուցիչը, բողոքել է ձերբակալությունից հետո իրականացված խոշտանգումներից և պնդել, որ իրենից փորձել են խոստովանական ցուցմունք կորզել սեպտեմբերին շրջանային զինկոմիսարիատում տեղի ունեցած հրկիզման առնչությամբ, գրում է Mediazona-ն։ Նրա նկատմամբ, սակայն, հրկիզման մեղադրանք չի առաջադրվել։
