08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Ռուսաստանի միջազգային պահուստները շաբաթվա ընթացքում նվազել են 600 մլն դոլարով
Քաղաքականություն
20.04.2023 | 19:57
Ապրիլի 14-ի դրությամբ՝ Ռուսաստանի միջազգային պահուստները նվազել են 600 մլն դոլարով, հայտնում է «Բանկ Ռոսիին»: Մեկ շաբաթ առաջ՝ ապրիլի 7-ին, բարձր իրացվելի արտաքին ակտիվների ծավալը կազմում էր 600,2 մլրդ դոլար։
«Միջազգային պահուստների ծավալը ապրիլի 14-ի դրությամբ կազմել է 600,2 մլրդ դոլար՝ շաբաթվա ընթացքում կրճատվելով 0,6 մլրդ դոլարով կամ 0,1%-ով, ինչը պայմանավորված է բացասական վերագնահատմամբ, ինչպես նաև հարկաբյուջետային կանոններով իրականացված գործառնություններով»,- ասված է հաղորդագրության մեջ։
Միջազգային պահուստները բաղկացած են արտարժութային ֆոնդերից, փոխառության հատուկ իրավունքներից, ԱՄՀ-ում պահուստային դիրքից և մոնետար ոսկուց:
Ապրիլի 13-ին Ռուսաստանի Բանկը հայտարարեց, որ Ռուսաստանի Դաշնության միջազգային պահուստները մարտի 31-ից սկսած շաբաթվա ընթացքում աճել են 1,2%-ով (կամ 6,9 մլրդ դոլարով) , իսկ 2023 թվականի ապրիլի 7-ի դրությամբ կազմել են ավելի քան 600 մլրդ դոլար։
