11.04.2026 | 15:55
Լոս Անջելեսում ՀՀ գլխավոր հյուպատոսը մասնակցել է Տ․ Հովնան արքեպիսկոպոս Տերտերյանի նախաձեռնությամբ կազմակերպված ընդունելությանը
Անհայտ կրոնական խմբավորման անդամները սպառնացել են պայթեցնել Ճապոնիայի խորհրդարանի շենքը
Քաղաքականություն
20.04.2023 | 19:42
Ճապոնիայի խորհրդարանի վերին պալատի հասարակայնության հետ կապերի բաժինը նամակ է ստացել, որում սպառնում են ուրբաթ օրը՝ ապրիլի 21-ի կեսօրին, «զանգվածային սպանություն» իրագործել, գրում է ՌԻԱ Նովոստին՝ վկայակոչելով տեղի ԶԼՄ-ներին։
Նամակում ասված է, որ «մեծ թվով բարձր հզորության ռումբեր և զարին գազի գեներատորներ են տեղադրվել խորհրդարանի ստորին և վերին պալատների տարբեր դահլիճներում, և որ ուրբաթ՝ տեղական ժամանակով 13.34-ին, զանգվածային սպանություն է տեղի ունենալու»։
Նամակի հեղինակները, որոնք հայտարարել են ինչ-որ կրոնական խմբին իրենց պատկանելիության մասին, պնդում են, որ միայն «ահաբեկչական գործողությունները կարող են փոխել երկիրը»։ Կրոնական խմբի անվանումը չի նշվում։
