24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Շվեյցարիան պատժամիջոցներ է սահմանել «Վագներ» խմբավորման և РИА ФАН գործակալության դեմ
Քաղաքականություն
20.04.2023 | 18:24
Շվեյցարիան, հետևելով Եվրամիության նմանատիպ միջոցներին, պատժամիջոցներ է սահմանել «Վագներ» զինված խմբավորման և Դաշնային լրատվական գործակալության (РИА ФАН) դեմ, հայտնում է Ինտերֆաքսը։
«Տնտեսության, կրթության և գիտության դաշնային դեպարտամենտը, որը պատասխանատու է պատժամիջոցների կիրառման համար, այսօր Ռուսաստանի դեմ պատժամիջոցների շվեյցարական ցուցակում ավելացրել է «Վագներ» խումբը և «РИА ФАН» գործակալությունը»,-ասվում է կառավարության հայտարարության մեջ։
Նշվում է, որ պատժամիջոցներն ուժի մեջ են մտնելու հինգշաբթի տեղական ժամանակով ժամը 18:00-ից։ Հաղորդվում է նաև, որ երկիրը արգելք է մտցնելու RT Arabic և Sputnik Arabic հեռուստաալիքներում գովազդի վրա։ Ապրիլի 10-ին ԵՄ-ն արգելք էր սահմանել այս ալիքների հեռարձակման և գովազդի վրա։
Էմմա Չոբանյան
