11.04.2026 | 15:30
NYMEX. Ոսկու գինը նվազել է 0.63%-ով և կազմել 4761.90 դոլար
Եմենի մայրաքաղաքում հրմշտոցը 85 մարդու կյանք է խլել, կան հարյուրավոր վիրավորներ
Քաղաքականություն
20.04.2023 | 15:40
Եմենի մայրաքաղաք Սանայում առնվազն 85 մարդ է զոհվել,ավելի քան 300-ն էլ վիրավորվել զանգվածային հրմշտոցի հետևանքով, գրում է Euronews-ը։ Հրմշտոցը ծագել է Ռամադան ամսվա կապակցությամբ որպես բարեգործություն գումարի բաժանման ժամանակ։ Դեպքը տեղի է ունեցել, երբ հարյուրավոր մարդիկ հավաքվել են դպրոցի շենքի մոտ՝ ստանալու վաճառականների կողմից մահմեդականների սուրբ ամսվա ընթացքում բաժանվող 5000-ական Եմենի ռիալ գումարը, որը կազմում է մոտ 9 դոլար։
Ներքին գործերի նախարարության ներկայացուցիչը հայտարարել է, որ հրմշտոցի պատճառը փողի «պատահական բաժանումն է՝ առանց տեղական իշխանությունների համաձայնության»։ Նշվում է, որ միջադեպի համար պատասխանատուները արդեն ձերբակալվել են, կատարվում է քննություն։
Էմմա Չոբանյան
