08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Գերմանիայի մի քանի օդանավակայաններում երկօրյա գործադուլ է
Քաղաքականություն
20.04.2023 | 14:07
Համբուրգի, Դյուսելդորֆի և Քյոլնի/Բոնի օդանավակայաններում անվտանգության աշխատակիցների երկօրյա նախազգուշական գործադուլ է սկսվել։ Քյոլնի օդանավակայանում այսօր չեղարկվել է 204 չվերթից 121-ը, ինչի հետևանքով տուժել է մոտ 28 հազար ուղևոր։ Դյուսելդորֆը ևս հայտնում է օդանավակայանում զանգվածային չեղարկումների և սպասման ժամերի ավելացման մասին, փոխանցում է DW-ի ռուսական ծառայությունը: Համբուրգի օդանավակայանի ղեկավարությունը չեղարկել է ապրիլի 20-ի և 21-ի բոլոր չվերթները, ինչպես նաև ժամանող չվերթների մոտ մեկ երրորդը, ինչի հետևանքով տուժել է մոտ 80 հազար ուղևոր։
Ապրիլի 21-ին Ver.di արհմիության նախաձեռնած գործադուլին կմիանան Շտուտգարտի օդանավակայանի անվտանգության աշխատակիցները, ինչպես նաև երկաթուղայինները։ Երկաթուղային տրանսպորտի EVG արհմիությունը նախազգուշական գործադուլ է հայտարարել ժամը 3.00-11.00 (04.00-ից 12.00 GMT):
Ver.di-ն պահանջում է մեծացնել գիշերային ժամերի, հանգստյան օրերի ու տոնական օրերի համար հավելավճարները օդանավակայանի աշխատակիցների համար, ինչպես նաև բարձրացնել արտաժամյան աշխատանքի համար վճարները։ Ապրիլի 11-ին ու 12-ին տեղի ունեցած բանակցությունների ընթացքում չի հաջողվել հասնել համաձայնության, հաջորդ փուլը պլանավորած է ապրիլի 27-28-ը։
