27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ԱՄՆ-ը միջմայրցամաքային բալիստիկ հրթիռի փորձարկում է անցկացրել
Քաղաքականություն
20.04.2023 | 13:24
Ապրիլի 19-ին ամերիկացի զինվորականները Minuteman III միջմայրցամաքային բալիստիկ հրթիռի փորձարկում են անցկացրել։ Այս մասին հայտնել են ԱՄՆ Կալիֆորնիա նահանգի տիեզերական ուժերի Վանդենբերգ բազայից։
Նշվում է, որ հրթիռը մարտագլխիկ չի ունեցել։ Այն պատահականության սկզբունքով ընտրվել է Մոնտանայի զինանոցներից և տեղափոխվել Կալիֆորնիայի արձակման վայր: Հրթիռը Խաղաղ օվկիանոսի վրայով անցել է 6,76 հազար կիլոմետր։
«Այս փորձնական արձակումը սովորական և պարբերական ջանքերի մի մասն է՝ ցույց տալու, որ ԱՄՆ միջուկային զսպիչ միջոցները անվտանգ, հուսալի և արդյունավետ են 21-րդ դարի սպառնալիքները զսպելու և դաշնակիցներին հանգստացնելու համար», – բացատրել են զինվորականները:
