08.10.2026 | 21:20
Վարչապետն ԱՊՀ պետությունների ղեկավարների հետ այցելել է ազգային մշակույթի և ուտեստների փառատոն
ՌԴ-ում խմբագրում են դասագրքերն ու Կիևյան Ռուսաստանի մասին հիշատակումներից հանում «Կիև» տեղանունը
Քաղաքականություն
20.04.2023 | 13:45
ՌԴ-ում չորրորդ դասարանի համար նախատեսված «Շրջակա աշխարհը» դասագրքի նոր հրատարակության մեջ «Պրոսվեշչենիե» հրատարակչությունը հանել է Կիևի մասին մի քանի հիշատակումներ Կիևյան Ռուսիայի պատմությանը վերաբերող պարբերություններում:
Mediazona-ն ծանոթացել է խմբագրված դասագրքի մի քանի էջի հետ և համեմատել է դրանք 2021 թվականի տարբերակի հետ։ Օրինակ, եթե հին հրատարակության մեջ ասվում էր, որ «Անցած տարիների պատմությունը» տարեգրությունը գրել է Կիև-Պեչերսկի վանքի վանական Նեստորը, ապա նոր տարբերակում Նեստորը պարզապես վանական է կոչվում՝ չնշելով տեղը, որտեղ նա ապրել և աշխատել է:
Մեկ այլ փոփոխություն ևս. հին տարբերակում ասվում էր, որ կնյազ Վլադիմիրը բոլոր մարդկանց մկրտել է Կիևում, իսկ նոր տարբերակում` «մայրաքաղաքում»: Եվս մեկ՝ «Օլեգի մահից հետո Կիևում սկսեց իշխել կնյազ Իգորը» հատվածը փոփոխվել ու նոր տարբերակում նշվել է, որ «Օլեգի մահից հետո կնյազ Իգորը սկսել է կառավարել Ռուսաստանը»:
