07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ալիևն ու ԱՄՆ պետքարտուղարի փոխտեղակալը քննարկել են Հայաստանի ու Ադրբեջանի միջև հարաբերությունների կարգավորումը
Քաղաքականություն
20.04.2023 | 11:22
Ադրբեջանի նախագահ Իլհամ Ալիևն ընդունել է ԱՄՆ պետքարտուղարի փոխտեղակալ Էրիկա Օլսոնին, հայտնում են ադրբեջանական լրատվամիջոցները։ «Հանդիպման ընթացքում մտքերի փոխանակություն է տեղի ունեցել Հայաստանի և Ադրբեջանի միջև հարաբերությունների կարգավորման և խաղաղության պայմանագրի շուրջ բանակցությունների շուրջ»,-ասվում է Ադրբեջանի նախագահականի տարածած հաղորդագրության մեջ։
Ալիևը հայտարարել է, թե «հենց Ադրբեջանն է նախաձեռնել Հայաստանի հետ խաղաղության պայմանագրի ստորագրումը «և այդ առումով առաջարկել է հինգ սկզբունքներ, որոնք կկազմեն խաղաղության պայմանագրի հիմքը»։ Ըստ ադրբեջանական կողմի՝ Օլսոնը հայտարարել է, որ «ԱՄՆ աջակցում է տարածաշրջանային խաղաղության օրակարգին և Հայաստանի և Ադրբեջանի միջև խաղաղության պայմանագրի շուտափույթ ստորագրմանը»։ Այս համատեքստում հատկապես շեշտվել է ԱՄՆ պետքարտուղար Էնթոնի Բլինքենի դերը։
Հավելենք, որ Օլսոնը Բաքու մեկնելուց առաջ Երևանում էր բանակցություններ անցկացրել։
