16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ուկրաինայի ԶՈՒ-ն հետ է մղել ՌԴ ավելի քան 55 հարձակում․ Ուկրաինայի ԳՇ
Քաղաքականություն
20.04.2023 | 11:11
Ռուս-ուկրաինական ճակատում վերջին մեկ օրվա ընթացքում իրադրությունը էապես չի փոխվել: Այս մասին հայտնում է BBC-ի ռուսական ծառայությունը՝ հղում անելով Ուկրաինայի Գլխավոր շտաբին։ Գլխավոր շտաբի ֆեյսբուքյան էջում հրապարակված ամփոփագրի համաձայն՝ ռազմաճակատի հինգ հատվածներում Ուկրաինայի ԶՈՒ-ն հետ է մղել ՌԴ ավելի քան 55 հարձակում։
Բախմուտն ու Մարինկան շարունակում են մնալ ռազմական գործողությունների հիմնական կիզակետը, որտեղ ընթանում են ամենակատաղի մարտերը։
Ուկրաինայի ԳՇ հայտարարության համաձայն՝ Լիմանի ուղղությամբ ՌԴ-ն փորձել է բարելավել մարտավարական դիրքը, անհաջող հարձակողական գործողություններ է իրականացրել Կրեմեննայա բնակավայրի հարավային ծայրամասերի և Սերեբրյանսկի անտառտնտեսության հատվածներում։
Բախմուտի ուղղությամբ ռուսական զորքերը շարունակում են հարձակողական գործողություններ իրականացնել։ Ծանր մարտեր են ընթանում Բախմուտ քաղաքի համար։ Բացի այդ, վերջին մեկ օրվա ընթացքում Ուկրաինայի զինված ուժերը հետ են մղել գրոհները Խրոմովո բնակավայրի տարածքում։
Ավդիևկայի ուղղությամբ ՌԴ հարձակողական գործողություններ է իրականացրել Ավդիևկայի, Վոդյանոյեի, Պերվոմայսկու տարածքներում, սակայն ըստ Ուկրաինական կողմի՝ հաջողություն չի ունեցել։
Մարինսկի ուղղությամբ Ուկրաինայի զինված ուժերը հետ են մղել ռուսների բազմաթիվ հարձակումները Մարինկա և Պոբեդա բնակավայրերի տարածքներում։
Շախտյորսկի ուղղությամբ ռուսական զորքերը փորձել են հարձակողական գործողություններ իրականացնել Ուգլեդարի ուղղությամբ, սակայն անհաջող։
Հակառակորդը շարունակում է պաշտպանական գործողություններ իրականացնել Զապորոժիեի և Խերսոնի ուղղություններում, ասվում է Ուկրաինայի Գլխավոր շտաբի առավոտյան ամփոփագրում։
