27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ուկրաինան հակահարձակողական գործողություններն արդեն սկսել է
Քաղաքականություն
19.04.2023 | 18:56
Ուկրաինական բանակը չի հայտարարի հակահարձակման մեկնարկի մասին, քանի որ դա գաղտնի տեղեկատվություն է։ Գործողությունները, որոնք կարելի է անվանել հակահարձակողական, ռազմաճակատում արդեն ընթանում են, չորեքշաբթի՝ ապրիլի 19-ին հեռուստամարաթոնի եթերում ասել է պաշտպանության փոխնախարար Աննա Մալյարը, փոխանցում է korrespondent-ը։
«Կարևոր է հասկանալ, որ չի լինի մի օր, երբ զինված ուժերը ասեն. «վաղը մենք հակահարձակում ենք սկսելու»: Պատերազմի դեպքում դա անհնար է, քանի որ դա գաղտնի տեղեկատվություն է: Սրանք զինված ուժերի ծրագրերն են, որոնք մենք իրավունք չունենք հանրային տարածքում քննարկել, այդ թվում՝ զինվորականներն իրենք չեն քննարկում։ Միևնույն ժամանակ, պետք չէ հրապարակայնորեն հակահարձակումը նույնականացնել միայն որոշակի ակտիվ հարձակողական գործողությունների հետ»,- ասել է Մալյարը։
Նրա խոսքով, հակահարձակման մասին նեղ խոսելը ճիշտ չէ։ Որովհետև սա «տարբեր գործողությունների և միջոցառումների հսկայական համալիր է, որն այժմ իրականացվում է Ուկրաինայի զինված ուժերի կողմից»։
