Սահմանամերձ համայնքներում մեծանում է սերունդ, որը գեթ մեկ ներկայացում չի տեսել․ պատգամավորի հարցը նախարարին․ ՏԵՍԱՆՅՈՒԹ

«Վերջին շրջանում մտահոգիչ տեղեկություններ ենք ստանում հանրակրթական դպրոցներում թմրանյութի շրջանառության հետ կապված։ Տեղեկություն ունենք, որ ծնողական ժողովներ են հրավիրվում և ծնողներին են զգուշացնում խնդրի մասին»,- այս մասին ԱԺ-ում նշեց «Հայաստան» խմբակցության պատգամավոր Գառնիկ Դանիելյանը, դիմելով ԿԳՄՍ նախարար Ժաննա Անդրեասյանին։
Պատգամավորը նախարարից հետաքրքրվեց, թե արդյո՞ք նա ունի նման տեղեկություն և ինչ միջոցներ են ձեռնարկվում։
«Թմրանյութերի հետ կապված համատեղ աշխատանք ենք անում Առողջապահության նախարարության հետ, «Առողջ ապրելակերպ» դասընթացների շրջանակներում, որը պարտադիր է։ Եթե կոնկրետ ահազանգեր ենք ունենում իրավապահ մարմինների հետ համատեղ աշխատում ենք»,-ասաց նա։

Նշենք, որ Կրթության, գիտության, մշակույթի և սպորտի նախարար Ժաննա Անդրեասյանը ԱԺ-ում ներկայացնում է «Հայաստանի Հանրապետության կառավարության ծրագրի (2021-2026 թթ.) 2022 թվականի կատարման ընթացքի և արդյունքների մասին» զեկույցը։

Պատգամավորը նաև մտահոգություն արտահայտեց՝ նշելով, որ  սահմանամերձ համայնքներում մեծանում է սերունդ, որը գեթ մեկ ներկայացում չի տեսել։ Պատգամավորի դիտարկմամբ՝ կարևոր է որ մշակութային օջախները կատարեն այն գործառույթը, ինչի համար նախատեսված են, և սահմանամերձ համայնքների բնակիչները ևս մշակութային կյանք ունենան։

ԿԳՄՍ նախարարի դիտարկմամբ՝ մշակույթի ոլորտում օրենսդրական կարգավորումների կարիք կա։ Նոր նախագծեր կլինեն, որոնք կնպաստեն առկա խնդիրները լուծելուն։

Անդրեասյանը վսատհեցրեց, որ 17 կրթամշակութային ծրագրեր են իրականացվելու համայնքներում։ Նրա դիտարկմամբ՝ պետք է ակտիվացնել մշակութայնին տների գործունեությունը։

Մանրամասները՝ տեսանյութում։