08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
ԵՄ-ն Ուկրաինայից գյուղմթերքի ներկրման սահմանափակումներ է նախապատրաստում
Քաղաքականություն
19.04.2023 | 20:47
Այն բանից հետո, երբ Արևելյան Եվրոպայի մի քանի երկրներ սկսել են միակողմանիորեն դադարեցնել ուկրաինական մթերքի ներմուծումը, Եվրամիությունը որոշել է կենտրոնացված կերպով սահմանափակումներ մտցնել Ուկրաինայից գյուղատնտեսական որոշ ապրանքների ներմուծման վրա, հայտնում է Reuters-ը՝ հղում անելով Եվրահանձնաժողովի ներկայացուցչին, գրում է BBC-ի ռուսական ծառայությունը։
Լրատվականի տվյալներով՝ Եվրահանձնաժողովը դիտարկում է «կանխարգելիչ միջոցառումներ»՝ կապված հացահատիկի և ձեթի արտադրության համար օգտագործվող սերմերի մի քանի կատեգորիաների՝ առաջին հերթին ցորենի, եգիպտացորենի, արևածաղկի առնչությամբ: ԵՄ առևտրային կանոնները Եվահանձնաժողովին թույլ են տալիս արգելել որոշակի ապրանքների ներկրումը ՝միաժամանակ թույլատրելով տարանցումը։
Նշվում է, որ պատրաստվում է նաև փոխհատուցում արևելյան Եվրոպայի տուժած ֆերմերների համար՝ ընդհանուր մոտ 100 միլիոն եվրոյի չափով։
Ուկրաինացի ֆերմերներին աջակցելու նպատակով ԵՄ-ն չեղարկել է ուկրաինական ապրանքների ներմուծման մաքսատուրքերը, սակայն այդ ամենը հանգեցրել է Արևելյան Եվրոպայում նմանատիպ ապրանքատեսակների գների կտրուկ անկմանը:
Էմմա Չոբանյան
