15.08.2026 | 17:16
Ուկրաինայի ԶՈւ-ն Ռուսաստանի դեմ հարվածների ժամանակ կիրառել է «Ֆլամինգո» հրթիռներ. Զելենսկի
Ուկրաինան Patriot համալիրներ է ստացել
Քաղաքականություն
19.04.2023 | 16:06
Patriot զենիթահրթիռային համակարգերն արդեն մատակարարվել են Ուկրաինա․ այս մասին Twitter-ում հայտնել է Ուկրաինայի պաշտպանության նախարար Ալեքսեյ Ռեզնիկովը։
«Այսօր մեր գեղեցիկ ուկրաինական երկինքը դառնում է ավելի անվտանգ, քանի որ Patriot հակաօդային պաշտպանության համակարգերը ժամանել են Ուկրաինա: Մեր հակաօդային պաշտպանության ուժերը դրանց օգտագործումը յուրացրել են հնարավորինս արագ: Մեր գործընկերները պահեցին իրենց խոսքը: Սա մեր նախագահ Վլադիմիր Զելենսկու ղեկավարությամբ ծանր աշխատանքի արդյունք է»,- գրել է նա։
Ռեզնիկովը շնորհակալություն է հայտնել Պենտագոնի ղեկավար Լլոյդ Օսթինին, Գերմանիայի պաշտպանության նախարար Բորիս Պիստորիուսին, Նիդեռլանդների պաշտպանության նախարար Կայսա Օլոնգրենին, ինչպես նաև ԱՄՆ-ի, Գերմանիայի և Նիդեռլանդների ժողովուրդներին աջակցության համար։
«Մենք միասին ենք հաղթելու»,- վստահեցրել է Ալեքսեյ Ռեզնիկովը և հրապարակել լուսանկար, որտեղ պատկերված են միանգամից երեք Patriot համալիրներ։
Նախօրեին Գերմանիան հայտարարել էր Ուկրաինա Patriot հակաօդային պաշտպանության համակարգերի մատակարարման մասին, սակայն Ուկրաինայի զինված ուժերի ռազմաօդային ուժերի խոսնակ Յուրի Իգնատը ոչ հաստատել, ո՛չ էլ հերքել էր այս տեղեկությունը։
