06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Պեսկովն ընդգծել է Հայաստան-ՌԴ-Ադրբեջան եռակողմ հայտարարությունների իրագործման կարևորությունը
Քաղաքականություն
19.04.2023 | 15:07
Ռուսաստանի Դաշնության, Ադրբեջանի և Հայաստանի եռակողմ համաձայնագրերը Լեռնային Ղարաբաղի վերաբերյալ միակ իրական հիմքն են իրավիճակի կարգավորման համար, դրանց իրականացումն անհրաժեշտություն է․ հայտարարել է ՌԴ նախագահի խոսնակ Դմիտրի Պեսկովը, գրում է ՏԱՍՍ-ը։
«Մենք պատրաստ ենք ողջունել կողմերի ցանկացած քայլ, որը կարող է հանգեցնել լարվածության թուլացման և կնպաստի հետագա առաջընթացին եռակողմ պայմանավորվածությունների իրականացման ուղղությամբ», – ասել է Պեսկովը՝ մեկնաբանելով ադրբեջանական և հայկական կողմերի վերջին հայտարարությունները։ Նրա խոսքով՝ եռակողմ հայտարարությունները հանդիսանում են «կարգավորման միակ իրական, իրատեսական հիմքը»։
«Ուստի բոլոր դրույթների իրականացման ճանապարհին առաջընթացը մենք համարում ենք անվիճելի և անհրաժեշտ բոլորի համար»,-նշել է Պեսկովը։
Հավելենք, որ նախօրեին Ադրբեջանի նախագահ Իլհամ Ալիևը կրկին սպառնալիքներ էր հնչեցրել ՝ չթաքցնելով Արցախում էթնիկ զտման պետական քաղաքականությունը։ Նա հայտարարել էր՝ «կա՛մ Արցախի հայերը կընդունեն Ադրբեջանի քաղաքացիություն, կամ էլ բնակության նոր վայր կարող են գտնել»։
Էմմա Չոբանյան
