15.01.2025 | 10:17
Արտարժույթների փոխարժեքները՝ հունվարի 15-ի դրությամբ
Ունենք թանգարան, որի մուտքի արժեքը 60 դրամ է. Ժաննա Անդրեասյան․ ՏԵՍԱՆՅՈՒԹ
Մշակույթ
19.04.2023 | 14:49
«Նախորդ տարի միայն ԿԳՄՍ նախարարության ենթակա թանգարաններ այցելուների թիվը կազմել է 1 մլն 78 հազար մարդ, որը 15 %-ով գերազանցում է 2021 թ-ի այցելությունների թիվը»,-կառավարության գործունեության ծրագրի 2022 թ. կատարողականի կրթության ոլորտը ներկայացնելիս ԱԺ-ում հայտարարեց ԿԳՄՍ նախարար Ժաննա Անդրեասյանը:
Նախարարն ընդգծեց, որ թանգարաններում տոմսերի գինը ոչ թե արժևորել, այլ արժեզրկել է թանգարան այցելությունը, որովհետև ներկայում նույնիսկ 60 դրամ մուտքի տոմս ունեցող թանգարան է գործում:
«Ես չգիտեմ ուրիշ ինչ է հնարավոր ձեռք բերել 60 կամ 100 դրամով: Որոշել ենք հրաժարվել այս գնային քաղաքականությունից, մշակույթը պետք է լինի հասանելի, բայց արժևորված»,- նշեց Անդրեասյանը։
Նախարարի խոսքով՝ ընթացիկ տարվա մայիսի 1-ից մինչև 12 տարեկան երեխաների մուտքը թանգարաններ լինելու են անվճար, այդ տարիքը գերեզանցող երեխաների և ուսանողների համար կկգործի կես գին:
Թանգարանների մուտքի տոմսերի գնի հարցում հաշվի կառնեն նաև մյուս սոցիալական խմբերի առանձնահատկությունները, սակայն, ըստ նախարարի, տոմսերի նվազագույն գինը չպետք է պակաս լինի 1000 դրամից։
Անդրեասյանը նաև հայտնեց, որ նախատեսվում է թանգարանների միասնական կառավարում՝ միասնական բրենդավորմամբ և մարկետինգով․ այժմ էլեկտրոնային միասնական տոմսային համակարգի ներդրման փուլում են։
Մանրաամսները՝ տեսանյութում։
