24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ալիևը Բաքվում Իսրայելի ԱԳ նախարարի հետ քննարկել է անվտանգության ու տնտեսական համագործակցության հարցեր
Քաղաքականություն
19.04.2023 | 17:26
Ադրբեջանի նախագահ Իլհամ Ալիևը ընդունել է եռօրյա այցով Բաքու ժամանած Իսրայելի ԱԳ նախարար Էլի Քոենին, գրում են ադրբեջանական լրատվամիջոցները։
«Հիանալի հանդիպում Ադրբեջանի նախագահի հետ։ Մենք քննարկել ենք ահաբեկչության դեմ պայքարը, երկրների միջև անվտանգության և տնտեսական համագործակցության ընդլայնումը։ Ես շնորհավորեցի նախագահին Իսրայելում դեսպանատուն բացելու որոշման կապակցությամբ՝ առաջին դեսպանատունը շիա մահմեդական երկրում։ Սա վկայում է աշխարհում Իսրայել պետության բարձր հարգանքի մասին»,- հանդիպումից հետո գրել է Քոենը թվիթերյան իր միկրոբլոգում։
Իսրայելի ԱԳՆ ղեկավարը Բաքու է ժամանել ապրիլի 18-ին։ Նույն օրը նա հանդիպում է ունեցել էկոնոմիկայի նախարար Միքայիլ Ջաբբարովի հետ, այնուհետև հրեական համայնքի ներկայացուցիչների։ Հավելենք, որ Քոենը Ադրբեջան է ժամանել տնտեսական մեծ պատվիրակությամբ, որում ներկայացուցիչներ կան 20 ընկերություններից։
Հիշեցնենք, որ մարտին Իսրայել էր այցելել Ադրբեջանի ԱԳ նախարար Ջեյհուն Բայրամովը։ Մարտի 29-ին էլ Բայրամովն ու Քոենը պաշտոնապես բացել էին Իսրայելում Ադրբեջանի դեսպանատունը։
Էմմա Չոբանյան
