16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՌԴ-ում խստացնում են պետական դավաճանության համար պատիժը
Քաղաքականություն
18.04.2023 | 18:41
ՌԴ պետդուման ընդունել է քրեական օրենսգրքի «Պետական դավաճանության» 275-րդ հոդվածում փոփոխությունները, որոնց արդյունքում պետական դավաճանության համար կարող է սպառնալ ցմահ ազատազրկում, գրում է ՌԻԱ «Նովոստի»-ն:
Օրենքի ընդունումից հետո լրտեսությունը, օտարերկրացիներին պետական գաղտնիք կազմող տեղեկատվության տրամադրումը, հակառակորդի կողմն անցնելը կամ Ռուսաստանի դեմ ուղղված գործողություններում պետությանը ֆինանսական, նյութատեխնիկական, խորհրդատվական կամ այլ օգնություն ցուցաբերելը կարող է պատժվել ցմահ ազատազրկմամբ։ Մինչ այս առավելագույն պատժաչափը կարող էր լինել մինչև 20 տարվա ազատազրկումը՝ մինչև 500 հազար ռուբլի տուգանքով։ Բացի այդ, պատգամավորները կողմ են արտահայտվել դիվերսիայի և ահաբեկչության համար քրեական պատասխանատվության խստացմանը։
