08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Լեհաստանը էլեկտրոնային պատնեշ է կառուցում Ռուսաստանի հետ սահմանին
Քաղաքականություն
18.04.2023 | 19:47
Լեհաստանի ներքին գործերի նախարար Մարիուշ Կամինսկին հայտարարել է, որ Լեհաստանը սկսել է էլեկտրոնային պատնեշ կառուցել Ռուսաստանի Դաշնության Կալինինգրադի մարզի հետ սահմանին, գրում է korrespondent-ը։ Նրա խոսքով՝ աշխատանքները կավարտվեն այս տարվա աշնանը։
Նշվում է, որ սահմանին կտեղադրվեն տեսախցիկների ու շարժումը ֆիքսող սենսորային համակարգեր։ Այն կընդգրկի Ռուսաստանի Դաշնության հետ ամբողջ ցամաքային սահմանը՝ 199 կմ։ «Մեր արևելյան սահմանը, ես համոզված եմ, հիանալի պատրաստ կլինի ցանկացած անօրինական գործողությունների, որոնք կապված են մեր արևելյան հարևանների հետ ճգնաժամային իրավիճակների հետ: Համոզված եմ, որ դա կլինի լավագույն պաշտպանված սահմանը Եվրամիության համար», – ասել է նա:
Հաղորդվում է, որ պաշտպանիչ արգելապատնեշի հատվածը բաժանվելու է 12 ֆունկցիոնալ հատվածի։ Կտեղադրվեն մոտ 2000 տեսահսկման սյուներ, 3000 տեսախցիկներ։
Հիշեցնենք, որ ավելի վաղ Լեհաստանի պաշտպանության նախարար Մարիուշ Բլաշչակը հայտարարել էր Օլեցկո քաղաքում ռազմաբազա կառուցելու մասին, որը գտնվում է Ռուսաստանի Դաշնության Կալինինգրադի մարզի հետ սահմանի մոտ։
