16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սուդանում ամերիկացի դիվանագետները կրակի տակ են ընկել
Քաղաքականություն
18.04.2023 | 16:09
Սուդանում, որտեղ արդեն մի քանի օր է, ինչ ուժայինների միջև կատաղի դիմակայություն է իշխանության համար պայքարում, կրակոցների տակ է հայտնվել ամերիկացի դիվանագետների խումբը։ Տուժածներ չկան, հայտարարել է Պետդեպարտամենտը, սակայն միջադեպից հետո ԱՄՆ իշխանությունները մտադիր են ուժեղացնել իրենց անձնակազմի անվտանգության միջոցները, գրում է BBC-ի ռուսական ծառայությունը։
«Սա անխոհեմ և անպատասխանատու գործողություն էր, որը բարձրացրեց անվտանգության մտահոգությունները», – ասել է Պետդեպարտամենտի քարտուղար Էնթոնի Բլինքենը, որը Ճապոնիայում է և մասնակցում է G7-ի հանդիպմանը:
ԱՄՆ-ի դիվանագիտական առաքելությունը Սուդանից տարհանելու պլաններ դեռ չկան, հայտարարել է ԱՄՆ Պետդեպարտամենտի խոսնակ Ջոն Քիրբին։
Նախօրեին Խարթումի իր տանը հարձակման էր ենթարկվել նաև ԵՄ դեսպան, իռլանդացի դիվանագետ Էիդան Օ’Հարան։ Նա լուրջ վնասվածքներ չի ստացել, սակայն ԵՄ իշխանությունները սկսել են ստուգել իրենց դիվանագետների անվտանգությունը ապահովելու միջոցառումները։
Սուդանում մարտերը կանոնավոր բանակի և «Արագ աջակցության ուժերի» (RSF) կիսառազմական խմբավորման միջև շարունակվում են արդեն չորս օր։ Այս ընթացքում արդեն մոտ 185 մարդ է մահացել, ավելի քան 1800-ը վիրավորվել է։ Երկրի մայրաքաղաք Խարթումը ենթարկվում է օդային և հրետանային գնդակոծությունների։ Օդանավակայանը փակ է։ Փողոցներում պայթյուններ են լսվում։
Տաթև Ֆռանգյան
