14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իսրայելի ԱԳ նախարարը հայտարարել է, որ Բաքու այցի նպատակն է «միասնական ճակատ ստեղծել ընդհանուր մարտահրավերների դեմ»
Քաղաքականություն
18.04.2023 | 14:10
Իսրայելի ԱԳ նախարար Էլի Քոենն այսօր եռօրյա այցով մեկնում է Բաքու։ The Times of Israel-ը հայտնում է, որ Քոենը վաղը հանդիպելու է Ադրբեջանի նախագահ Իլհամ Ալիևին, նաև՝ ԱԳ նախարար Ջեյհուն Բայրամովին։ Իսրայելի ԱԳ նախարարը իսրայելական 20 ընկերությունների բիզնես պատվիրակությամբ է մեկնում, որոնք ներկայացնում են կիբերանվտանգությունը, ներքին անվտանգությունը, ջրային ու գյուղատնտեսության ոլորտը։ Անցկացվելու է բիզնես ֆորում։ Նախատեսվում է, որ Քոենը նաև հանդիպելու է տեղի հրեական համայնքի հետ և ուրբաթ առավոտյան վերադառնալու է Իսրայել:
Թռիչքից առաջ Քոենը տարածած հայտարարության մեջ ասել է, որ Իրանի սահմանին Ադրբեջանի աշխարհագրական դիրքը երկու երկրների «հարաբերությունները դարձնում է շատ կարևոր և մեծ ներուժ ունեցող»։ Քոենը հավելել է, որ իր այցի նպատակն է «շարունակել Բաքվում մեր լավ ընկերների հետ միասին կառուցել միասնական և վճռական ճակատ համատեղ մարտահրավերներին դիմակայելու համար», ինչպես նաև խորացնել համագործակցությունը տնտեսության, առևտրի, պաշտպանության, էներգետիկայի և ինովացիայի ոլոտներում»։
Հիշեցնենք, որ մարտին Իսրայել էր այցելել Ադրբեջանի ԱԳ նախարար Ջեյհուն Բայրամովը։ Մարտի 29-ին էլ Բայրամովն ու Քոենը պաշտոնապես բացել էին Իսրայելում Ադրբեջանի դեսպանատունը։ Այս ամենը բնականաբար, հարուցել է Թեհանի զայրույթը։ Իրանի խորհրդարանը նույնիսկ ադրբեջանական դեսպանատան բացումը դատապարտող հայտարարություն է ընդունել։
Էմմա Չոբանյան
