08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Ամերիկյան USS Milius ռազմանավն անցել է Թայվանի նեղուցով
Քաղաքականություն
17.04.2023 | 19:41
Ամերիկյան USS Milius ռազմանավը կիրակի օրը՝ ապրիլի 16-ին, անցել է Թայվանի նեղուցով՝ նավագնացության ազատությանն աջակցելու գործողության շրջանակներում, հայտնում է Reuters-ը։ ԱՄՆ ռազմածովային նավատորմի 7-րդ նավատորմը հայտարարել է, որ նավի տարանցումը Թայվանի նեղուցով «սովորական» էր՝ միջազգային իրավունքի համաձայն:
Ըստ ԱՄՆ զինվորականների՝ այս տարանցումը «ցույց է տալիս ԱՄՆ-ի հավատարմությունը ազատ և բաց Հնդկա-Խաղաղօվկիանոսյան տարածքին»:
Չինաստանը հետևել է ամերիկյան նավի ողջ օպերացիայի ընթացքում ու իր անհանգստությունն է հայտնել այդ առթիվ։
Թայվանի պաշտպանության նախարարությունը հայտնել է, որ նավն անցել է նեղուցով ու դրա անցման ժամանակ նեղուցում իրավիճակը սովորական է եղել։ Սրա հետ մեկտեղ, այսօր կղզու շուրջ հայտնաբերվել է չինական բանակի 4 նավ ու 18 ինքնաթիռ, որոնցից 4 ներխուժել են Թայվանի ՀՕՊ օդային տարածք։
ԱՄՆ նավատորմը ռազմանավեր է բերում նեղուց ամիսը մեկ անգամ, ինչպես նաև պարբերաբար նմանատիպ առաքելություններ է իրականացնում՝ վիճելի Հարավչինական ծովում նավարկության ազատությունն ապահովելու համար:
Տաթև Ֆռանգյան
