04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
Իսրայելի ԱԳ նախարարը վաղը մեկնում է Բաքու
Քաղաքականություն
17.04.2023 | 15:18
Իսրայելի ԱԳ նախարար Էլի Քոենը վաղը մեկնելու է Բաքու։ Այս մասին հայտնում են ադրբեջանական լրատվամիջոցները։ Նշվում է, որ նա մասնակցելու է Ադրբեջան-Իսրայել միջկառավարական հանձնաժողովի նիստին։ Իսրայելական ԶԼՄ-ներն էլ հայտնում են, որ Քոենին ուղեկցում է իսրայելցի պաշտոնյաների ու գործարարների մեծ պատվիրակություն։ Այցի ընթացքում Քոենը հանդիպելու է Ադրբեջանի նախագահ Իլհամ Ալիևին, ԱԳ նախարար Ջեյհուն Բայրամովին։ Տնտեսական համագործակցության մասին քննարկումներին զուգահեռ,Քոենը բարձրացնելու է ավելի հրատապ հարցեր, ինչպիսիք են Իրանը, միջուկային կարողությունների համար Թեհրանի մրցավազքը և Սաուդյան Արաբիայի հետ վերջին մերձեցումը: Ռազմական համագործակցության հարցերը ևս քննարկվելու են։
Հիշեցնենք, որ մարտին Իսրայել էր այցելել Ադրբեջանի ԱԳ նախարար Ջեյհուն Բայրամովը։ Մարտի 29-ին էլ Բայրամովն ու Քոենը պաշտոնապես բացել էին Իսրայելում Ադրբեջանի դեսպանատունը։
