04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
Բելգորոդի ՋԷԿ-ն ԱԹՍ-ի հարձակման է ենթարկվել․ հրդեհ է բռնկվել
Քաղաքականություն
17.04.2023 | 14:23
ՌԴ Բելգորոդ քաղաքի ՋԷԿ-ում գիշերը հրդեհ է բռնկվել։ Տեղական լրատվամիջոցները հայտնում են, որ էլեկտրակայանը հարձակման է ենթարկվել ԱԹՍ-ից, գրում է Meduza-ն։ Ըստ Baza-ի՝ անօդաչու սարքերը պայթուցիկ են նետել նաև Բելգորոդի շրջանի երկու ենթակայանների վրա՝ Իգումենկայում և Դրագունսկոյեում: Ենթակայաններում բռնկված հրդեհը մարվել է մեկ ժամվա ընթացքում։ Այս տեղեկատվությունը պաշտոնապես չի հաստատվել։ Շրջանի ղեկավար Վյաչեսլավ Գլադկովը հայտնել է Բելգորոդում և Բելգորոդի շրջանի քաղաքացիական օբյեկտներում երկու հրդեհների մասին՝ չհստակեցնելով, թե ինչն է դրանք առաջացրել։ Ավելի ուշ Գլադկովը նա հայտարարել է, որ երկու հրդեհներն էլ մարվել են, զոհեր և վիրավորներ չկան։
Հավելենք, որ վերջին մի քանի ամիսներին տարբեր օբյեկտների վրա ԱԹՍ-ներով հարձակումների մի շարք դեպքեր են գրանցվել, ինչպես Բելգորոդի, այնպես էլ՝ ՌԴ այլ շրջաններում։ Ռուսաստանի իշխանությունները այս հարձակումների մի մասի համար մեղադրել են ուկրաինական կողմին։ Ուկրաինայի իշխանությունները պաշտոնապես չեն հայտնել ՌԴ տարածքում նման գործողություններին իրենց առնչության մասին։
