Քաղաքականություն
17.04.2023 | 11:11Երևանում բազմաբնակարան շենքերի շինարարության նկատմամբ վերահսկողություն իրականացնելու ընթացքում նախորդ շաբաթ կազմվել է 32 արձանագրություն: Այս մասին այսօր Երևանի քաղաքապետարանում հերթական խորհրդակցության ժամանակ նշեց քաղաքապետարանի քաղաքաշինության և հողի վերահսկողության վարչության պետ Յակով Ասատրյանը, ընդգծելով, որ կազմված արձանագրությունների թիվը եռապատկվել է նախորդ շաբաթվա համեմատ:
«Այդ 32 արձանագրություններից 11-ը ապօրինի շինությունների կառուցման և հողազավթումների դեպքերն են, 20 արձանագրությունները շինհրապարակների հմար սահմանված պայմանների չպահպանման դեպքերն են և մեկ արձանագրություն սանիտարական պայմանների խախտման դեպքով է:
Նույն ժամանակահատվածում իրականացվել է մեկական քանդման աշխատանքներ Աջափնյակ և Նոր Նորք վարչական շրջաններում, մետաղական կոնստրուկցիաների քանդում է իրականացվել:
32 արձանագրություններից մեկ կարևոր և կոպիտ խախտման դեպք կա: Արշակունյանց 192 հասցեում բազմաբնակարան շենքի կառուցման համար ստացված շինթույլտվությամբ իրականացվող աշխատանքների ընթացքում նախագծի պահանջներից դուրս իրականացվել է լրացուցիչ 2 հարկի կառուցման, երկաթբետոնե սյուների կառուցման աշխատանքներ: Տվյալ կառուցապատողը կառուցապատման և հողի վերահսկողության վարչության կողմից մեկ ամիս առաջ առձառն ստացել է ծանուցում նախագծային շեղումները բացառելու վերաբերյալ: Վարչարարությունն իրականացվել է, արձանագրությունը կազմվել է»,- նշեց Ասատրյանը՝ հավելելով, որ ամեն ինչ անում են, որ իրենց գործունեությունը կանխարգելիչ լինի և գործը «վիրաբույժին» չհասնի, որովհետև այդ դեպքում սուր գործիքներով են իրականացվում միջամտություններ:
«Այսուհետ քաղաքապետարանն ավելի խիստ է մոտենալու եւ շինարարական ստանդարտներին եւ նախագծից ծավալային ավելացումներով շեղումներին: Բոլորին խնդրում եմ՝ չշեղվել ձեր իսկ կողմից տրված նախագծերից: Քաղաքապետարանը հետեւողականորեն շարունակելու է ակտերի ավելացման գործընթացը»,-փոխքաղաքապետ Տիգրան Ավինյանը։
Մանրամասները՝ տեսանյութում։
