06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Տելեգրամ ալիքը, որտեղից տարածվել են Պենտագոնի գաղտնի փաստաթղթերը, վարել է ԱՄՆ ռազմածովային ուժերի նախկին զինծառայող.WSJ
Քաղաքականություն
17.04.2023 | 17:00
Donbass Devushka տելեգրամյան ալիքը, որի միջոցով տարածվել են Պենտագոնի ու հետախուզական գաղտնի փաստաթղթերը, վարել է ԱՄՆ ռազմածովային ուժերի նախկին զինծառայող Սառա Բիլսը, հայտնում է The Wall Street Journal-ը, որին վկայակոչում է Meduza-ն։ Նա լրատվականին պատմել է, որ ինքը Donbass Devushka տելեգրամյան ալիքի ադմինիստրատորն է և այն 15 մարդկանցից մեկը ամբողջ աշխարհում, որոնք աջակցում է ալիքի աշխատանքին։ Մյուսների անունները նա հրաժարվել է ասել։
37-ամյա Բիլսը, որը մինչև 2022 թվականի վերջը ծառայել է Ուիդբի կղզում գտնվող ԱՄՆ ռազմածովային ավիաբազայում, վստահեցրել է, որ գաղտնի փաստաթղթերը նա չի տեղադրել։ The Wall Street Journal-ն ընդգծում է, որ չկա որևէ ապացույց, որ Բիլսը բացահայտել է որևէ տեղեկություն, որին հասանելիություն է ունեցել ծառայության ընթացքում:
Հավելենք, որ Պենտագոնի ու ԱՄՆ հետախուզության գաղտնի փաստաթղթերի արտահոսքի կասկածանքով ապրիլի 13-ին ձերբակալվել էր ԱՄՆ ռազմաօդային ուժերի 21-ամյա զինծառայող Ջեք Թեյշեյրան։
Էմմա Չոբանյան
