16.05.2024 | 23:39
Խաղաղության պայմանագիրը պատմական հնարավորություն է տարածաշրջանի համար. Էրդողան
Սուդանում բախումներն ավելի քան 50 մարդու կյանք են խլել․ տուժել է մոտ 600 մարդ
Քաղաքականություն
16.04.2023 | 11:49
Սուդանում ապրիլի 15-ին բախումներ են տեղի ունեցել բանակի և արագ արձագանքման ուժերի (հատուկ ջոկատների) միջև։
ՏԱՍՍ-ի հաղորդմամբ՝ կողմերից յուրաքանչյուրը մեղադրում է մյուսին հարձակման համար, ընդ որում բանակը պնդում է, որ արագ արձագանքման ուժերը հարձակվել են իր շտաբի վրա, իսկ հատուկ ջոկատայինները պնդում են, որ իրենց շտաբը Խարտումում հարձակվել է «բոլոր տեսակի ծանր և թեթև զենքերով»։
Բախումների հետևանքով զոհերի թիվը հասել է 56-ի, տուժել է 595 մարդ, կիրակի օրը հայտնել է երկրի բժշկական կոմիտեն Twitter-ի իր էջում։
ՄԱԿ-ի Անվտանգության խորհուրդը կոչ է արել անհապաղ դադարեցնել կրակը։
«Անվտանգության խորհրդի անդամները կողմերին կոչ են անում անհապաղ դադարեցնել ռազմական գործողությունները, վերականգնել հանգստությունը և վերադառնալ երկխոսության՝ Սուդանում առկա ճգնաժամը կարգավորելու համար»,-նշված է կազմակերպության հայտարարության մեջ։
