25.10.2026 | 21:36
Ստեփանավանում մասնակցությունը կազմել է 68.83%, Ֆիոլետովոյում՝ 25.39%․ ՏԻՄ ընտրությունների տվյալները՝ ժամը 20։00-ի դրությամբ
Կնշանակվի քննություն, թերացողները կերևան. ԳՇ պետը Տեղ գյուղի դեպքերի մասին․ ՏԵՍԱՆՅՈՒԹ
Հասարակություն
13.04.2023 | 16:52
ԳՇ պետ Էդվարդ Ասրյանն այսօր լրագրողների հետ զրույցում անդրադարձավ Տեղ գյուղի շրջակայքում ադրբեջանական հերթական ագրեսիային:
ԱԺ-ում փակ նիստից առաջ լրագրողները ԳՇ պետին հիշեցրին թերացումների վերաբերյալ վարչապետի հայտարարության մասին:
«Եթե վարչապետը նշել է թերացումների մասին, ուրեմն կնշանակվի քննություն և թերացողները կերևան»,-ասաց ԳՇ պետը:
Հարցին, թե ի՞նչ հանձնարարություններ են տրվել, որ չի կատարվել՝ Ասրյանը պատասխանեց՝ «պետության ռազմական անվտանգությունն ապահովելու»:
Ավելի վաղ՝ ապրիլի 12-ին ՀՀ վարչապետ Նիկոլ Փաշինյանն ասել էր, որ Տեղ գյուղի շրջակայքում ադրբեջանական կողմի գործողությունները, սադրանքի սցենարը կանխատեսվել էին, կոնկրետ անձանց տրվել էին կոնկրետ հանձնարարություններ, որոնց կատարումը, սակայն, ձախողվել է: Փաշինյանը նշել էր, որ դրան պետք է հետևեն որոշակի հետևանքներ:
Նշենք, որ ապրիլի 11-ին՝ ժամը 16:00-ի սահմաններում Ադրբեջանի ԶՈՒ ստորաբաժանումները սկսել էին կրակ բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել էր պատասխան գործողությունների: Ապրիլի 11-ին Ադրբեջանական սադրանքի հետևանքով հայկական կողմն ունի 4 զոհ և 6 վիրավոր: Ադրբեջանական սադրանքի հետևանքով հայկական կողմը դիրքային որևէ կորուստ չունի: Գիշերվա ընթացքում Ադրբեջանի կողմից հրադադարի էական խախտումներ չեն արձանագրվել:
Մանրամասները՝ տեսանյութում։
